QR TJM baspasóz qyzmetiniń habarlaýynsha, sondaı-aq ýaqytsha ornalasý pýnkterine 14 368 adam, onyń ishinde 7 255 bala ornalastyryldy.
Tótenshe jaǵdaılar, Qorǵanys mınınıstrligi jáne Ulttyq ulannyń áýe kemeleri qutqarý jumystaryn jalǵastyrýda, dep habarlaıdy almaty-akshamy.kz.
"7,5 mln astam tekshe metr erigen qar sýy soryp shyǵaryldy, 952 myńnan astam qapshyq jáne 976 myńnan astam tonna ınertti materıal tóseldi. Búgingi tańda avarıalyq-qutqarý jumystarynda 12 445 adam, 1300-ge jýyq tehnıka, 7 áýe kemeleri jumyldyryldy. Osy saǵatta Atyraý, Aqtóbe, Aqmola, Qostanaı, Batys Qazaqstan, Soltústik Qazaqstan jáne Pavlodar oblystarynda 3686 jeke turǵyn úı, 557 aýla aýmaǵy jáne 1822 saıajaı úıleri sý astynda qalýda", delingen quzyrly vedomstvo habarlamasynda.
Atyraý, Aqtóbe, Aqmola, Qostanaı, Batys-Qazaqstan, Soltústik Qazaqstan jáne Pavlodar oblystary respýblıkalyq jedel shtabtyń baqylaýyna alynǵan.