Topan sý astynda qalǵan óńirlerde halyqqa medısınalyq kómek kórsetilýde dep málim etti Densaýlyq saqtaý mınıstrliginiń resmı ókili Áıgerim Ýrazalıeva, dep habarlaıdy almaty-akshamy.kz.
«Sý tasqyny kezeńinde psıhologıalyq kómek kórsetý uıymdastyryldy. Osy maqsatta jedel shtab qurylyp, onda 30 psıholog turǵyndarǵa kómegin berip jatyr» - dedi Áıgerim Ýrazalıeva Ortalyq komýnıkasıalar qyzmeti alańynda ótken baspasóz máslıhatynda.
Mınıstrlik ókiliniń aıtýynsha, júkti áıelder men balalardyń jaǵdaıy da erekshe nazarda.
«Ótken táýlikte Atyraý oblysynda Qulsary qalasynan perzenthanadan 12 áıel, onyń ishinde 8 perzenthana men 5 júkti áıel tolyq merzimde medısınalyq uıymdarǵa evakýasıalandy. 39-40 apta merzimindegi júkti áıelderdiń biri jedel medısınalyq járdem kóliginde tasymaldaý kezinde bosanǵan. Salmaǵy 3610 g, boıy 55 sm qyz dúnıege keldi. Qazirgi ýaqytta bosanǵan áıel men bala Beıneý aýdandyq aýrýhanasynda, olardyń jaǵdaıy qanaǵattanarlyq», - deıdi ol.
Densaýlyq saqtaý mınıstrliginiń málimetinshe, sý tasqyny bastalǵannan beri barlyǵy 84 júkti áıel evakýasıalandy. Onyń ishinde bosaný merzimi jaqyn 31 áıel aýrýhanaǵa jatqyzyldy.