Sınoptıkterdiń málimetinshe, Qazaqstan aýmaǵynyń qarmen jabylǵan aýdany 21%-dy quraıdy
«Qazgıdromet» RMK 6-12 sáýirge gıdrologıalyq boljam usyndy, dep habarlaıdy almaty-akshamy.kz.
Sınoptıkterdiń málimetinshe, Qazaqstan aýmaǵynyń qarmen jabylǵan aýdany 21%-dy quraıdy.
2024 jylǵy 6-12 sáýirdegi sınoptıkalyq boljamǵa sáıkes Qazaqstan aýmaǵynyń basym bóliginde aýa raıynyń turaqsyz sıpaty saqtalady. Jaýyn-shashyn jańbyr túrinde jaýady. Túnde jaýyn-shashynnyń jańbyrdan qarǵa aýysýy: 7, 9 - 12 sáýirde Pavlodar, elimizdiń shyǵysynda (Abaı jáne Shyǵys Qazaqstan oblystary), 8 sáýirde Batys Qazaqstan, Aqtóbe oblystarynda, 8 - 11 sáýirde Qostanaı, respýblıkamyzdyń soltústiginde (Soltústik Qazaqstan, Aqmola oblystary), 9 - 12 sáýirde Qaraǵandy oblysynda, 11 sáýirde Ulytaý oblysynda kútiledi. Qatty jańbyr 6 sáýirde Batys Qazaqstan oblysynda, 6 - 7, 11 - 12 sáýirde Almaty oblysynda, 6, 9 sáýirde Túrkistan oblysynda, 6, 9, 11 sáýirde Jambyl oblysynda, 8 sáýirde elimizdiń ortalyǵynda (Ulytaý, Qaraǵandy oblystary), 9, 11 - 12 sáýirde Jetisý oblysynda kútiledi. Elimizdiń shyǵysynda (Abaı, Shyǵys Qazaqstan oblystary) 9 - 10 sáýirde qatty jańbyr, 11 - 12 sáýirde qatty jaýyn - shashyn (jańbyr qarǵa aýysady) boljanady.
Elimizdiń batysynda 9 sáýirden, soltústik-batysta 11-12 sáýirden, respýblıkanyń soltústiginde jáne Ulytaý oblysynda 12 sáýirden bastap jaýyn-shashynnyń toqtaýy kútiledi.
Aýa temperatýrasy soltústik-batysta, soltústikte, shyǵysta, elimizdiń ortalyǵynda túnde 0-5 jylydan 1-6 aıazǵa deıin, kúndiz 12-20 jylydan 3-10 jylyǵa deıin birtindep tómendeıdi. Batysta aýa temperatýrasy kúndiz 10-15 jylydan 20-25 jylyǵa deıin joǵarylaıdy. Aýa temperatýrasy ońtústikte, ońtústik-shyǵysta túnde 3-8-den 5-10 jylyǵa deıin, kúndiz 12-20 jylydan 17-25 jylyǵa deıin, taýly aımaqtarda túnde 2 gradýs aıaz-3 gradýs jyly, kúndiz 5-10-nan 7-17-ge deıin aýytqıdy.
Gıdrologıalyq jáne meteorologıalyq jaǵdaılar kúrt ózgergen jaǵdaıda «Qazgıdromet» sý tasqyny qaýpi týraly daýyldy eskertýlermen aldyn ala habardar etetin bolady.