Astananyń sportty damytý dıreksıasynda 40 mln búdjet qarajaty urlanǵan. Muny Qarjy monıtorıńi agenttigi anyqtady, dep habarlaıdy almaty-akshamy.kz.
Astana ákimdiginiń «Olımpıadalyq emes túrler boıynsha sportty damytý dıreksıasy» komýnaldyq memlekettik mekemesinde búdjet qarajaty júıeli túrde jymqyrylǵan.
2021-2022 jyldary mekemeniń laýazymdy tulǵalary oqý-jattyǵý jıyndaryn ótkizýge bólingen qarajatty jymqyrǵan. Alaıda eshqandaı is-shara ótkizilmegen. Jattyqtyrýshylar sportshylardyń júrip-turǵanyn, tamaǵyna jumsalǵan qarajat týraly jalǵan esep tapsyrǵan.
Sonyń saldarynan memleketke 40 mln teńgeden asa shyǵyn kelgen.
İs boıynsha sotqa deıingi tergeý júrgizilip jatyr, kúdikti sottyń sanksıasymen qamaýǵa alyndy.