89 elden kelgen oıynshylar sporttyń 21 túrinen baq synaıdy.
Bıyl kúzde (8-12 qyrkúıek) Astanada V Dúnıejúzilik kóshpendiler oıyndary ótedi, dep habarlaıdy almaty-akshamy.kz.
«Oıyndardyń jalpy operasıalyq búdjeti - 5,7 mlrd teńge. Iá, bul aýqymdy qarjy, biraq 2011 jyly ótken jetinshi qysqy Azıa oıyndarynyń búdjeti 20 ese kóp bolǵanyn eske salǵym keledi. 2017 jyly Almatyda ótken Ýnıversıadanyń búdjeti bes ese kóp boldy. Atalǵan somaǵa bizdiń qarjylyq seriktesterimiz ben demeýshilerimiz qosatyn qarajat qosylady. Jalpy alǵanda, operasıalyq búdjet shamamen 8 mlrd teńge», - dedi V Dúnıejúzilik kóshpendiler oıyndaryn daıyndaý jáne ótkizý dıreksıasynyń basshysy Naıl Nurov.
Sondaı-aq, dıreksıa basshysy kóshpendiler oıyndary ótetin sport nysandaryna jóndeý jumystary júrgizilip jatqanyn aıtty.
«Astanadaǵy «Qazanat» ıpodromynyń júgirýge arnalǵan joldyń uzyndyǵy 12 metrge, eni 7 metrge keńeıe tústi. Sonymen qatar ıpodromda jylqylardy dıagnostıkalaý jáne qalpyna keltirý boıynsha jańa zerthana bolady. Odan bólek, «Alaý» muz saraıy jańaryp, kóshpendiler oıyndarynyń arqasynda jańa kelbetke ıe bolady. Jarystan keıin muz saraıy ádettegi jumys rejımine oralyp, kónkıshilerdi qýantady. «Astana-Arena» fýtbol stadıony da jańartylyp jatyr, ıaǵnı ishki ınfraqurylymy, trıbýnalar men fýtbol alańy aýystyrylady», - deıdi ol.
Eske salsaq, 5-shi Dúnıejúzilik Kóshpendiler oıynynyń júlde qory qansha bolatyny jaıynda jazǵan edik.