Oqý jylynyń resmı aıaqtalý kúni jeksenbige túsip tur.
Oqý-aǵartý mınıstrligi Qazaqstanda sońǵy qońyraý ótetin kún ózgergeni týraly habarlady, - dep habarlaıdy aqshamnews.kz
Oqý jyly dástúrli túrde 34 aptaǵa sozylyp, aıaqtalýǵa jaqyn. Vedomstvonyń statısıkasy boıynsha, elimiz boıynsha 3,9 mıllıonnan astam oqýshy oqý jylyn qorytyndylaıdy.
Olardyń ishinde 217 myńnan astam on birinshi synyp oqýshysy úshin bul mekteppen qoshtasý kúni bolady.
"Ótken jylǵydaı, 23 mamyr – sońǵy oqý kúninde elimizdegi barlyq mektepte "Bilimim – Otanyma" uranymen biryńǵaı synyp saǵaty ótedi. Bul – búkil bilim berý júıesi úshin mańyzdy is-shara. Ol oqýshylar men muǵalimderge birlesken jumystyń qorytyndysyn shyǵarýǵa, bir-birine alǵys aıtýǵa, aıaqtalyp jatqan oqý jylynyń eń mańyzdy sátterin eske alýǵa múmkindik beredi. Bıyl oqý jylynyń resmı aıaqtalý kúni jeksenbige túsip turǵandyqtan, 11-synyp túlekterine arnalǵan saltanatty is-sharalar mektep ákimshiliginiń sheshimi boıynsha 23 nemese 24 mamyrda ótedi", – dep habarlady vedomstvodaǵylar.