Adamnan aıla artylmaıdy
Japondyqtar úrlemeli elektrskýter jasap shyǵardy, dep habarlaıdy Almaty-akshamy.kz «Habar 24» telearnasyna silteme jasap.
Bul kólikti sómkege salyp alyp júrýge bolady. Qajeti bolsa sorǵynyń kómegimen áp-sátte úrip, minip kete beresiz. Ol saǵatyna 15 shaqyrym jer júredi. Qýaty 90 mınýtqa jetedi. Ázirge ınjenerler skýterdiń jappaı óndiriske qashan shyǵarylatynyn bilmeıdi. Óıtkeni onyń qaýipsizdigin tekserý kerek.
«Skýter jup-jumsaq. Áýe shary ne basketbol doby sekildi. Ol ústinde otyrǵan adamǵa qaraı pishinin ózgerte alady. Bolashaqta qozǵalys quralyn odan ári jetildirý josparda bar. Biz skýterdiń báriniń kóńilinen shyqqanyn qalaımyz»,-deıdi ǵalym Hırokı Sato.