«Qazaqstan» jeńil atletıka kesheninde 5-shi Dúnıejúzilik kóshpendiler oıyndaryn daıyndaý jáne ótkizý dıreksıasy SHYU samıtine qatysqan sheteldik qonaqtardy Kóshpendiler oıyndarymen tanystyrdy, dep habarlaıdy almaty-akshamy.kz.
İs-sharaǵa sharaǵa sheteldik dıplomattar Germanıa, Úndistan, Ispanıa, Italıa, Ońtústik Koreıa, Lıvan, Malaızıa, Norvegıa, Serbıa jáne Chehıadan birneshe halyqaralyq jýrnalıser qatysty.
Elimizde úlken doda ótkeli jatyr. Barshamyzǵa, elimizge jaýapty sát, syn. Osydan 2 jyl buryn Túrkıanyń Býrsa qalasynda kóshpendiler oıyndary Astana qalasynda ótkizilýi týraly sheshim qabyldanǵan edi. Qarqyndy daıyndalyp jatyrmyz. 21 sport oıyndarynan ótedi. Arnaıy 7 sporttyq nysandar daıyndalyp jatyr. «Bir syzyqsha» logıstıkasy boıynsha ótedi. Qazaq aýyly jasalady. Al, ashylý saltanaty «Astana-arenada» stadıonynda bolady. Kóshpendiler oıyndarynyń barysynda ǵylymı-praktıkalyq konferensıa ótkiziledi, - dedi Týrızm jáne sport vıse-mınıstri Serik Jarasbaev.
Qazirgi ýaqytta 89 elden delegasıalar qatysýyn rastaǵan. Bul kórsetkish 100-ge deıin jetýi múmkin.
Buǵan deıin álemniń 100-den astam elinen 4000 qatysýshy qatysady delingen bolsa, endi qatysýshylardyń sany 2000-nan asady degen jospar bar. Solardyń barlyǵyn ornalastyrý úshin qazirgi ýaqytta qala ákimdigimen birge 32 qonaq úı daıyndalyp jatyr. 320 at jalǵa alyndy. Delegasıalardy jetkizý úshin 130 kólik jalǵa alynyp jatyr, - dedi Serik Jarasbaev.
Búgingi jıynǵa kelgen qonaqtarǵa dıreksıa Kóshpendiler oıyndary týraly arnaıy baǵdarlama daıyndady. Kóshpendiler oıyndarynyń atmosferasyn jetkizý maqsatynda «Qazaqstan» jeńil atletıka kesheni qazaqy stılde bezendendirilip, ulttyq sport túrlerinen qoıylymdar qoıyldy.
Qazirgi ýaqytta 5-shi Dúnıejúzilik kóshpendiler oıyndaryna bıletter onlaın satylymǵa shyqqan. Bılettiń quny 500 teńgeden 20 myń deńgege deıin.
Aıta keteıik, 8-13 qyrkúıekte Astana qalasynda 5-shi Dúnıejúzilik kóshpendiler oıyndary ótedi.