Almatynyń Áýezov aýdanynda 2024 jylǵy 6 shildeden 15 qyrkúıekke deıin Toqtabaev kóshesi boıymen Semátov kóshesinen Cherepanov kóshesine deıin avtokólik qozǵalysy shekteledi, dep habarlaıdy almaty-akshamy.kz.
Kórsetilgen ýchaskedegi qozǵalys eki baǵytta da jabylady.
1990 jyly paıdalanýǵa berilgen, atalǵan kóshe segmentiniń júris bóliginiń astynan ótetin jalpy uzyndyǵy 810 metr qubyrdy qaıta jańartý ýchaskesinde josparly jumystardy júrgizý qaýipsizdigin qamtamasyz etý úshin ýaqytsha shekteýler engiziledi.
Bul qubyr 14 kóppáterli turǵyn úıdi jáne 4 basqa nysandy jylýmen qamtamasyz etedi. Atalǵan tutynýshylarǵa rekonstrýksıa júrgizý kezeńinde ystyq sýmen jabdyqtaý saqtalady.
Esterińizge sala keteıik, qozǵalystardy shekteýge qatysty barlyq aqparat Almaty.kz, saıtynda, @AlmatyJoly Telegram-arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS jáne «Iandeks kartalar» servısterinde jarıalanǵan.
Ýaqytsha qolaısyzdyqtarǵa túsinistikpen qaraýdy jáne kórsetilgen ýchaskeni aınalyp ótý joldaryn aldyn ala qarastyrýdy suraımyz.
«Almaty jylý jelileri» JSHS