Shymkentte patrúldik polısıa polkiniń rota komandıri ustaldy, dep habarlaıdy Almaty-akshamy.kz QR Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.
«Jaqynda Shymkent qalasy Polısıa departamentiniń jergilikti polısıa qyzmeti patrúldik polısıa polkiniń 4-rota komandıriniń qylmystyq áreketi toqtatyldy. Ol júıeli negizde qaramaǵyndaǵy qyzmetkerlerden qyzmeti boıynsha jalpy qamqorlyǵy úshin para aldy (Qylmystyq kodekstiń 366-baby boıynsha)» delingen habarlamada.
Málimetke saı, 27 sáýirinde Arnaıy jedel-izdestirý is-sharasy barysynda Shymkent qalasy PD ABB-men birlesip, qaramaǵyndaǵy qyzmetkerlerden kezekti para alǵannan keıin kúdikti ustalyp, ýaqytsha ustaý ızolátoryna qamaldy. 29 sáýirde Shymkent qalasynyń mamandandyrylǵan tergeý soty oǵan qatysty «kúzetpen ustaý» túrindegi bultartpaý sharasyn sanksıalady.