Sporttyń 17 túri boıynsha 160 tegin seksıa ashyldy
SHQO-nyń orta mektepterinde úsh myńnan astam sport seksıasy ashylady, dep habarlaıdy Almaty-akshamy.kz Altaynews-ke silteme jasap.
Oblysta sporttyq ınfraqurylymdy keńeıtý sońǵy jyldary qarqyn aldy. Shalǵaıda ornalasqan aýyl-aımaqtarda salynǵan túrli zamanaýı sporttyq nysandar halyqtyń sportqa degen qoljetimdiligin arttyrdy.
Bıyl oblys boıynsha 14 sport nysanynyń qurylysy jalǵasady. Atap aıtsaq, bir ústel tenısi ortalyǵy, segiz dene shynyqtyrý-saýyqtyrý kesheni men eki baseın salynady. Aýdan ortalyqtarynda, shekara mańyndaǵy aýyldarda úsh sport modýli paıda bolady, - deıdi oblys ákimi Danıal Ahmetov.
Jalpy, bıyl boı kóteretin iri sporttyq nysannyń biri oblys ortalyǵynda elimizde teńdesi joq 58 kortqa arnalǵan ári 300-ge jýyq kórermen orny bar ústel tenısi ortalyǵy bolmaq.
Aldaǵy tórt jyl ishinde oblystyń jalpy bilim beretin mektepterinde qosymsha 3213 sport seksıasy ashylady. Onyń 22 myń balaǵa arnalǵan 1268-i bıyl ashylady.
Sonymen qatar oblys ortalyǵynda jan basyna qarjylandyrý aıasynda sporttyń 17 túri boıynsha 160 tegin seksıa ashyldy.