Áleýmettik jelilerde osy syńaıdaǵy vıdeo taraǵan.
Vıdeo avtorynyń aıtýynsha, sýpermarkettegi shokolad qaptamasyndaǵy erekshe belgi vaksına komponentteriniń baryn bildiredi, dep habarlaıdy Almaty-akshamy.kz
Buryn mundaı ónimderge baqanyń sýreti salynyp kelgen, al bul týraly kóbine belgili bolǵandyqtan, logotıp ózgertildi. Munyń bári ótirik.
Buǵan deıin jelide baqanyń kishkentaı beınesi bar ónimderde Bıll Geıts jasaǵan vaksınalar bar degen qastandyq teorıasy taraǵan bolatyn.
Shyn máninde, Baqa logotıpi Rainforest Alliance uıymyna tıesili. Qaptamadaǵy beıne taýardyń nemese qaptamanyń ekologıaǵa eń az zıan keltirip óndirilgenin jáne olardy jasaý kezinde jumys istegen adamdardyń quqyqtary buzylmaǵanyn bildiredi.
Paıdalanýshylar «qaýipti» dep tanyǵan logotıptiń vaksınaǵa da, Bıll Geıtske de qatysy joq. Osy attas baǵdarlamaǵa qatysa otyryp, óndirilgen ónimderdi jasyl túspen jáne Cocoa Life jazýymen belgileıdi. Cocoa Life – bul kakao burshaqtaryn ónerkásiptik aýqymda ósirý jáne jınaý prosesin ekologıalyq taza etýge arnalǵan jahandyq bastama. Bastama aıasynda topyraqty tyńaıtý, zıankestermen ekologıalyq kúres, laıyqty jumys oryndaryn qurý, genderlik teńsizdikti joıý, kedeı elderde bilim alýǵa qol jetkizý jáne t.b. máseleler sheshilýde.
Baǵdarlamanyń resmı saıtynda vaksınalar, farmakologıa nemese Geıts týraly sóz joq.
Bıll jáne Melında Geıts qory Afrıkadaǵy kakao ónerkásibin damytýǵa granttar bóldi, biraq bul qarajat Cocoa life bastamasynyń aıasynda paıdalanylmady.
Jalpy, Cocoa life baǵdarlamasynyń logotıpi salynǵan shokoladta nemese basqa ónimderde vaksınalar nemese basqa qupıa komponentter bar dep sanaýǵa negiz joq. Bul teorıa da, Rainforest Alliance sertıfıkattalǵan ónimderde Bıll Geıts jasaǵan keıbir dári-dármekter bar degen pikir de jalǵan.