Qazaqstanda dári-dármekterdi tańbalaý júıesi engizilgen sátten bastap tórt aıdyń ishinde tańbalaý kodtary preparattardyń 66,2 mln. qaptamasyna jazyldy.
Onyń ishinde 39,3 mln. qaptama ımporttyq preparattardyń úlesine tıesili, 29,4 mln.qaptama – otandyq óndiris, qazir aınalymda 28,5 mln. dárilik qaptama bar, dep habarlaıdy aqshamnews.kz sala mınıstrligine silteme jasap.
Tańbalaý dári-dármek naryǵynyń tolyq ashyqtyǵyn qamtamasyz etýge jáne óndiris kezeńinen bastap sońǵy tutynýshyǵa deıin preparattyń árbir qaptamasynyń tolyq ómirlik sıklin baqylaýǵa múmkindik beredi. Bul kóleńkeli naryq úlesin azaıtýǵa, jalǵan ónimniń aınalymyn qospaǵanda, qaýipsizdik pen sapa kepildigimen pasıentke baǵdarlanǵan dárilik qamtamasyz etý júıesin qurýǵa múmkindik beredi.
Sonymen qatar, tańbalaý júıesi dári-dármekterdi utymdy paıdalanýǵa jáne satyp alýdy josparlaýǵa áser etip, búdjet qarajatyn edáýir únemdeýge ákelýi kerek.