Almatyda “Qaýipsiz jol” respýblıkalyq jedel aldyn alý is-sharasy bastaldy.
Qala joldarynda apatty jaǵdaıdy turaqtandyrý maqsatynda jol-kólik oqıǵalarynyń aldyn alý jáne boldyrmaý boıynsha birqatar sharalar atqaryldy, dep habarlaıdy aqshamnews.kz Polisia.kz-ke silteme jasap.
Qaladaǵy jazataıym oqıǵalardyń jaı-kúıine kólikterdiń balamaly túrleriniń: mopedter men elektrsamokattardyń tanymal bolýy áser etedi.
– Taldaý kórsetkendeı, jyl basynan beri mopedtiń qatysýymen 930 jol-kólik oqıǵasy tirkeldi, sonyń saldarynan 953 adam zardap shekti, taǵy 15 adam qaza tapty. Al qalada samokattardyń qatysýymen 127 JKO boldy. 133 adam zardap shekti, abyroı bolǵanda, qaza tapqandar joq. Sondaı-aq jyl basynan beri jol qozǵalysy erejesin buzǵany úshin 31894 mopedıst pen 28 myń 762 samokat paıdalanýshysy ákimshilik jaýapkershilikke tartyldy. Mamandandyrylǵan aıyppul turaǵyna 1800-den astam moped qoıyldy, – dedi Almaty qalalyq PD jergilikti polısıa qyzmeti basqarmasy bastyǵynyń orynbasary Tımýr Noǵaıbaev.