Densaýlyq saqtaý mınıstri Aqmaral Álnazarova 2025 jyldan bastap erlerge arnalǵan medısınalyq skrınıngtiń bastalatynyn málim qyldy.
Mınıstrdiń aıtýynsha, kóptegen eresekter úshin múgedektiktiń negizgi sebepteri – júrek-qan tamyrlary aýrýlary men onkologıa, dep habarlaıdy aqshamnews.kz.
«Kelesi jyly biz 50 jastan asqan er adamdarda ınfarkt pen ınsýlt qaýpi joǵary toptarda júrek-qan tamyrlary qaýpin erte anyqtaý jobasyn bastaımyz. Neǵurlym erte anyqtalsa, asqynýlardyń aldyn alý jáne densaýlyqty saqtaý múmkindigi soǵurlym joǵary bolmaq», dedi mınıstr.
Vedomstvo basshysynyń aıtýynsha profılaktıkaǵa nazar aýdarý jáne turaqty tekserýler ǵana kóptegen aýrýlardyń aldyn alýǵa septigin tıgizedi.
«Skrınıngten ótińizder, densaýlyqtaryńyzdy saqtańyzdar. Bul – sizderdiń ál-aýqattaryńyzǵa jáne otbasylaryńyzdyń bolashaǵyna qosqan úlesterińiz. Dárigerlerdiń eńbegi men sizderdiń densaýlyqtaryńyzǵa nazar aýdarýlaryńyzdyń arqasynda biz ortaq maqsatqa – saý jáne belsendi qoǵamǵa baramyz. Densaýlyq – biz birge kútetin qundylyǵymyz ekenin este saqtaý mańyzdy», dedi Aqmaral Álnazarova.