Jambyl oblysynyń Qyrǵyz Respýblıkasymen shekarasynda ornalasqan "Qarasý" fıtosanıtarlyq baqylaý beketinde zararly shıe anyqtaldy, dep habarlaıdy almaty-akshamy.kz.
Karantın zerthanalarynyń qorytyndysy boıynsha, Qyrǵyzstannan Reseıge bara jatqan eki vagonǵa tıelgen (20,5 tonna jáne 18,8 tonna), sondaı-aq Qyrǵyzstannan tasymaldanǵan 900 keli shıeden azıalyq jıdek drozofılasy tabylǵan.
Árbir ónim ıesine 20 AEK (73 840 teńge) kóleminde aıyppul salyndy. Buzylǵan shıe Qyrǵyz Respýblıkasyna qaıtaryldy.
Azıalyq jıdek drozofıla (Drozophila suzukii) – Qazaqstan Respýblıkasynda karantındik mańyzy bar keń taralmaǵan nysan. Bul zıankester júzim, qulpynaı, shabdaly, órik, shıe, tańqýraı jáne t.b. sıaqty jemis-jıdek daqyldarynyń 60-qa jýyq túrin zaqymdaıdy. Uzyndyǵy 2-3 mm Azıalyq jıdek drozofılasynyń eresek fazasynda, qyzyl kózderi bar, denesi ashyq-qońyr nemese sarǵysh-qońyr, ishte qara kóldeneń jolaqtary bolady. Azıalyq jıdek drozofılasy, drozofılanyń basqa túrlerinen aıyrmashylyǵy, búlinbegen pisken jemisterdi mekendeıdi jáne olardy jeıdi, eginge aıtarlyqtaı zıan keltiredi. Ol uryqty derlik baıqalmaıtyn kesýlermen zaqymdaıdy, sodan keıin jumyrtqa salady. Jumyrtqadan shyqqan dernásilder ómir boıy uryqtyń ishinde qorektenedi. Odan jıdek tinderi jumsaryp, shirip ketedi.