Tergeý júrgizilip jatyr.
Top músheleriniń “qańtar oqıǵasynyń” belsendi qatysýshylarymen baılanysy bar ekendigi anyqtalǵan, dep habarlaıdy Almaty-akshamy.kz Polisia.kz-ke silteme jasap.
İİM Ulttyq qaýipsizdik komıtetimen birlesip, Bas prokýratýranyń úılestirýimen qylmystyq toptardy joıý boıynsha arnaıy jumysty jalǵastyryp jatyr.
17 maýsym kúni Almaty, Shymkent qalalarynda jáne Túrkistan oblysynda aýyr qylmystar jasaǵan, sonyń ishinde kásipkerlerdi bopsalady dep kúdikke ilingen qylmystyq toptyń múshelerin ustaý boıynsha jedel-izdestirý is-sharalary júrgizildi. Top músheleriniń “qańtar oqıǵasynyń” belsendi qatysýshylarymen baılanysy bar ekendigi anyqtaldy. Polısıaǵa 20 kúdikti jetkizildi. 40-tan astam izdestirý sharalary ótkizildi. Atys jáne travmatıkalyq qarý, esirtki men oq-dári tárkilendi. Tergeý Qylmystyq kodekstiń birneshe baby boıynsha júrgizilýde. Tergeý múddesinde ózge aqparat jarıalaýǵa jatpaıdy.