«Qazaqstan» teleradıokorporasıasy ulttyq mádenıet pen óner tarıhynan syr shertetin «Sham túbindegi shyndyq» jańa tarıhı-dramalyq telehıkaıasyn usynady.
Telehıkaıa Qazaq teatrynyń 100 jyldyǵyna arnalǵan. Úsh bólimdi serıal arqyly kórermender sol kezdegi astana Qyzylorda qalasynda 1925 jyly qurylǵan tuńǵysh ulttyq qazaq teatrynyń tarıhymen, óner ordasynyń Almatyǵa kóshirilýi kezindegi kórnekti rejıser Jumat Shanınniń eńbegimen tanysady, dep habarlaıdy aqshamnews.kz.
Tarıhı telehıkaıada 1927 jyly Máskeýde ótken etnografıalyq konserttegi qazaq zıalylarynyń óner kórsetýi jáne sol kezdegi Qalybek Qýanyshbaev, Ámire Qashaýbaev, Kúlásh Baıseıitova, Serke Qojamqulov bastaǵan qazaq delegasıasy quramyndaǵy qaıratkerlerdiń róli jan-jaqty kórsetiledi.
Telehıkaıanyń qoıýshy-rejısseri – Jasulan Poshanov. Basty róldegi Jumat Shanınniń jas kezin Ǵalym Ospanov, eseıgen shaǵyn Azamat Esqulov oınaıdy. Serke Qojamqulovtyń beınesin Jandáýlet Bataı, Ámire Qashaýbaevty Birjan Báziljanov, Qalybek Qýanyshbaevty Almas Shaıahmetov somdaıdy. Al Kúlásh Baıseıitovanyń rólinde kórermen Inabat Rızabekovany kóre alady.
Tarıhı oqıǵalarmen qaıta qaýyshtyratyn telehıkaıa «Qazaqstan» telearnasynyń efırinen 27 naýryzdan bastap kórsetiledi.