Qazirgi Qazaqstanda júrgizilip jatqan reformalar kúrdeli saıası qaıta qurýdy talap etedi
Memleket basshysy Qasym-Jomart Toqaev Qazaqstan halqy Assambleıasynyń HHHİ sesıasynda sóılegen sózinde eldegi demokratıalyq prınsıpterdi damytýdyń odan arǵy joldarynyń mańyzdylyǵyn atap ótti. Bul týraly QR Parlamenti Senatynyń depýtaty Olga Býlavkına aıtty, dep habarlaıdy Almaty-akshamy.kz Vecher.kz-ke silteme jasap.
Onyń aıtýynsha, elde bolyp jatqan reformalar kúrdeli saıası qaıta qurýdy talap etedi.
«Qoǵam men memleket arasyndaǵy qarym-qatynasty aıqyndaıtyn elimizdiń Konstıtýsıasy – Táýelsizdiktiń kepili, árbir azamattyń quqyqtary men bostandyqtarynyń kepili, birliktiń, turaqtylyq pen berekeniń, eldiń senimdi damýynyń kepili. Memlekettik ınstıtýttardy qalyptastyrý men ózara is-qımyl jasaýdyń jańa modeli, Parlament pen máslıhattardyń rólin kúsheıtýdi jáne azamattardyń eldegi saıası ómirge belsene qatysýyn kózdeıdi»,- dedi senator.