Kezekti Treds toptamasynda ne bar? Osy aptada jurt jelide neni trendke aınaldyrdy? Aqshamnews.kz tilshisi jınaqtady.
"Qaırat"-"Aqtóbe" machynyń juldyzy
Áleýmettik jelide "Qaırat" - "Aqtóbe" machyna sary-qara dene ysqyshpen (mochalka) baryp, qoldaý bildirgen jankúıerdiń sýreti tarady. Qoldaýshynyń ıdeıasy jurtty kúlkige qaryq qylyp, lezde jurt arasynda tarap ketti. "Jelini jarǵan" jankúıerdiń áreketi Tredste biraz talqyǵa tústi. Jurttyń nazaryna aýdarǵan jasóspirimniń kim ekeni jaıly buǵan deıin tolyǵyraq jazǵan bolatynbyz.
Keıin Tredste Ernıazǵa ("Qaırat" jankúıeri - esk.) naǵyz moıynoraǵysh syılanǵany belgili boldy. Bul tarmaqqa Ernıaz úshin qýanǵan jurttyń qarasy kóp boldy.
"Sebep-siz": Tredsten taraǵan trend jelini qalaı jaýlady?
Jaqynda jýrnalıs Aıan Qalmurat gúl dúkeniniń ataýyna erekshe usynys tastap, Threads jelisinde jarıalaǵan edi. Áleýmettik jeli qoldanýshylaryna bul oı unap, jazba lezde tarap ketti. Aqshamnews.kz tilshisi trendke aınalǵan ıdeıa avtorymen suhbattasty.
Aıan myrzanyń jazbasynan keıin jańa trend tarady. Gúl satatyn dúkenderdiń marketıńiniń oń jambasyna tústi. Kópshilik túrlishe ázildep te úlgerdi.
Eń meıirimdi Treds
Al bul jazbany kórmegen jan joq shyǵar. Qyrǵyzstanda bolǵan oqıǵa jurttyń nazaryn aýdardy. Jańbyrly kúni beıtanys qyzǵa qolshatyr usynys, jentlmendik tanytqan jigittiń áreketi jurtty súısindirdi. Tredste onyń bul sheshimin talqyǵa salyp, meıirimdiligine rıza bolyp jatqandar kóp.
Jazba Tredste 2 mıllıonnan astam qaralym, 120 myńnan astam laık jınaǵan. Kópshilik onyń áreketine:
"Naǵyz er-azamattar áli de bar eken", "Mine naǵyz jigittik!", "Osyndaı áreketter erkektiń naǵyz kúshi onyń sózinde emes, isinde ekenin taǵy bir márte dáleldeıdi" dep pikir jaýdyryp jatyr.
Aqshamnews.kz redaksıasy jeli juldyzyna aınalǵan qyrǵyzstandyq jigittiń kim ekenin taýyp, onyń bul áreketi jaıly suhbattasqan bolatyn. Ol sol sátte tek jaqsylyq jasaýdy oılaǵanyn jáne bári qalaı bolǵanyn aıtyp berdi.
