2026 jyly 23 qańtarda Almaty qalasynda Satbayev University bazasynda general-leıtenant Ádíl Shayahmetov atyndaǵy Ǵaryshtyq baılanys zerthanasynyń saltanatty ashylu rásímí ótedí. Ís-shara unıversıtettíń «Elektronıka, telekommunıkatsıya jáne ǵaryshtyq tehnologıyalar» kafedrasynda ūıymdastyrylady.
Zerthananyń ashyluy Almaty qalasynyń Jastar sayasaty basqarmasynyń qoldauymen íske asyp, megapolıstíń ınjenerlík jáne ǵylymı áleuetín damytudaǵy mańyzdy qadam bolmaq.
Jańa zerthana unıversıtettíń tarıhı Tau-ken metallurgıya korpusy ǵımaratynda ornalasqan jáne sputnıktík tehnologıyalar, navıgatsıyalyq júıeler men Jerdí qashyqtan zondtau salasy boıynsha maman dayarlauǵa baǵyttalǵan. Zerthana zamanauı VSAT sputnıktík antennalyq júıesímen, joǵary jyldamdyqty derek almasuǵa arnalǵan HT2300 modemímen, sondaı-aq MATLAB jáne ArcGIS Pro baǵdarlamalyq keshenderímen jabdyqtalǵan. Būl studentter men jas zertteushílerge baılanys júıelerín modeldeuge jáne sputnıktík derekpen naqty uaqyt rejımínde jūmys ísteuge múmkíndík beredí.
Zerthana Satbayev University-díń 1978 jylǵy túlegí, general-leıtenant Ádíl Shayahmetovtíń qūrmetíne ataldy jáne 2024-2029 jyldarǵa arnalǵan ınjenerlík bílím berudí damytu jóníndegí memlekettík tūjyrymdama ayasynda júzege asyryldy. Joba naqty ekonomıka sektorynda sūranysqa ıe joǵary bílíktí ınjenerlík mamandar dayarlauǵa jáne joǵary bílím berudegí tájírıbelík baǵytty kúsheıtuge baǵyttalǵan.
Ashylu rásímíne Satbayev University basshylyǵy, Almaty qalasy ákímíníń orynbasary Abzal Núkenov, «Halyq Qaharmany» ataǵynyń ıegerí, general-polkovnık Sát Toqpaqbaev, QR ŪǴA akademıgí Bayan Raqyshev, sondaı-aq ǵylymı qauymdastyq ókílderí, salalyq sarapshylar men qūrmettí qonaqtar qatyspaq.
Ís-sharaǵa būqaralyq aqparat qūraldarynyń ókílderí shaqyrylady.