Telegram messendjerínde "tegín elektrondy kítap beremíz" dep uáde etetín bottar arqyly zıyandy faıl taratu derekterí kóbeıíp, mamandar qoldanushylardy saq boluǵa shaqyrdy, dep habarlaıdy Aqshamnews.kz tílshísí.
Alayaqtar Telegram íshínde «shekteusíz kítaphanaǵa qoljetímdílík» ūsynyp, oqyrman sūraǵan kítapqa qysqasha sıpattama beredí. Alaıda kítapty ashyp oqytpaı, Android júıesíne arnalǵan kúmándí APK/ornatushy faıldy «arnaıy qosymsha» retínde júkteudí talap etedí. Mūndaı faıl ornatylsa, parolder men qarjy derekterín ūrlau, hat-habarǵa/fotoǵa qol jetkízu, qūrylǵyny qashyqtan basqaru sıyaqty táuekelder tuyndauy múmkín.
-
Telegram-bot jíbergen APK faıldardy júktemeńíz jáne ornatpańyz.
-
Kítap/kontent úshín tek resmı dúkender men zańdy servısterdí paıdalanyńyz.
-
"Tegín, shekteusíz" degen uáde + syrttan ornatushy faıl ūsynu - basty qyzyl jalau.