Almaty qalasy Óńírlík kommunıkatsıyalar qyzmetí Syr elínde ótken V Ūlttyq qūryltaı tórínen tabylǵan tūlǵalarmen sūhbattasyp, olardyń alqaly jıynda kóterílgen negízgí taqyryptar men bastamalar jóníndegí píkírlerín bílgen bolatyn.
Darhan QYDYRÁLÍ, Parlament Senatynyń deputaty:
Qūryltaıda búgíngí kúní júrgízílíp jatqan reformalardyń sabaqtastyǵyna nazar audaryldy. Máselen, jańa Konstıtutsıya men parlamenttík ózgerísterdí talqylau – reformalardyń zańdy jalǵasy. Iá, otyrysta eldíń bolashaǵy men onyń negízgí zańyna qatysty talaı mańyzdy nárse aıtyldy, talaı dúnıe qozǵaldy osy joly. Būl qazírgí zamanǵy syn-qaterler men qoǵam sūranysyna tolyqtaı jauap bererí sózsíz.
Mūrat ÁBENOV, Parlament Májílísíníń deputaty:
Bankter qazír bereshek adamnyń esepshotyn tolyq būǵattaı alady. Būl azamattardyń qūqyǵyn shekteu degen sóz. Mūndaıdy ne múldem alyp tastau kerek, ne tabystyń 50 paıyzynan aspaıtyndaı etíp shekteu qajet. Qūryltaıdyń sektsıyalyq otyrystarynda medıtsına, mektepterdí jaraqtandyru men eńbek qatynastary máselelerí de talqylandy.
Asqar JŪMADÍLDAEV, akademık:
Memleket basshysy qazaqty tehnokrat ūlt boluǵa úndep júr. Ókíníshke qaraı, qazír bízdíń qoǵam jasandy ıntellektíníń ne ekenín bílgenímen, ol turaly álí de tereń bíle bermeıdí eken. Jasandy ıntellektíní damytqanda ol turaly bílím beríp, onyń paıdaly jáne zıyandy jaǵyn da qatar oqytuymyz kerek.
Dılyara QAIDAROVA, professor, ŪǴA akademıgí:
Sektsıyalyq otyrysta ǵylymdy damytuǵa qatysty júıelí máselelerdí, atap aıtqanda ǵylymı jurnaldardyń sapasy men Ūlttyq Ǵylym akademıyasynyń qamqorlyǵymen joǵary ımpakt-faktory bar bíryńǵaı ǵylymı basylym qūru qajettílígí aıtyldy. Sonymen qatar, balalar arasyndaǵy semízdíkke nazar audaryp, olardy erte jastan salauatty ómír saltyna shaqyryp, sondaı mádenıetí qalyptastyruǵa baǵyttalǵan memlekettík baǵdarlama ázírleudí ūsyndyq.
Anar FAZYLJANOVA, Ahmet Baıtūrsynūly atyndaǵy Tíl bílímí ınstıtutynyń dırektory:
Ūlttyq qūryltaıdyń osy joly Syr óńírínde ótuíníń sımvoldyq mání bar der edím. Bízdíń lıngvıster elímízdíń ár óńíríndegí tílge baılanysty jaǵdaıdy únemí zerttep otyrady. Osy jolǵy saualnamada Qyzylorda oblysy memlekettík tíldí meńgeru deńgeıí jaǵynan da eń joǵary kórsetkíshke ıe bolǵanyn baıqadyq. Osy oraıda óńír tūrǵyndaryna qazaq tílíne degen qūrmetí úshín alǵys bíldírgím keledí.
Syrymbek TAU, kásípker:
Shaǵyn jáne orta bıznes bes mıllıondaı adamdy jūmyspen qamtyp otyrǵanymen, kásípkerler qazír qarjy jaǵynan qatty qıyndyq kórude. Mysaly, bíz nesıení 25 paıyzben alamyz, 15 paıyzyn onlaın-platformalarǵa tóleımíz, 16 paıyz qosylǵan qūn salyǵy, būdan bólek basqa da shyǵyndar bar. Sodan kásípkerge túsetín júkteme shamamen, 78 paıyzǵa jetedí. Būl bıznestí qoldau emes, onyń múmkíndíkterín shekteu. Osy máseleníń kún tártíbíne shyqqany abzal.
Qūryltaıǵa qatysushylardyń píkírínshe, bılík pen sarapshylar qauymdastyǵy arasyndaǵy «ashyq dıalog» formaty osyndaı ózektí máselelerdí kóteríp, eldíń ūzaq merzímdí damuyna, qoǵamnyń naqty sūranysyna baǵyttalǵan sheshímder qabyldauǵa múmkíndík beredí.