Jambyl oblysy Merki aýdanynda 12–17 jas aralyǵyndaǵy 22 jas sportshy aýdandyq aýrýhanaǵa tústi, dep habarlaıdy Aqshamnews.kz tilshisi.
Oblys ákimdiginiń baspasóz qyzmeti usynǵan resmı aqparatqa sáıkes, oqıǵa 2026 jylǵy 21 qańtar kúni keshki saǵat 22:40 shamasynda tirkelgen. «Turan» demalys ornynan Qyzylorda oblysynan kúres túrinen oqý-jattyǵý jıynyna kelgen kámeletke tolmaǵan jasóspirimder Merki aýdandyq kópbeıindi ortalyq aýrýhanasyna jetkizilgen. Aldyn ala dıagnoz - etıologıasy anyqtalmaǵan gastroenterıt.
Oqıǵanyń naqty sebebin anyqtaý úshin mamandar balalar ornalasqan ortalyqtaǵy tamaq ónimderine saraptama júrgizgen. Qorytyndysy ázirge daıyn emes.
Ákimdik málimetinshe, bul derekti Merki aýdanynyń polısıasy tirkegen. Tekserý nátıjesine qaraı tıisti prosestik sheshim qabyldanady.
Sondaı-aq oblys ákimi Erbol Qarashókeevtiń tapsyrmasymen oqıǵa ornyna oblys ákiminiń orynbasarlary Aıjan Esmaǵambetova men Serik Sálemov baryp, jedel shtab otyrysyn ótkizgen.
Resmı derekke súıensek, «Turan» demalys ornynda barlyǵy 103 jas sportshy jáne 13 jattyqtyrýshy qonystanǵan. Aýrýhanaǵa júgingenderdiń jaǵdaıy jeńil dárejede, densaýlyǵy turaqty, dárigerlerdiń baqylaýynda.