Almaty qalasynyń Jumyspen qamtý jáne áleýmettik baǵdarlamalar basqarmasyna qarasty KMM «Senim» áleýmettik qyzmetter ortalyǵynda golboldan sporttyq is-shara uıymdastyryldy.
Golbol - kórý qabileti buzylǵan balalar men eresekterge arnalǵan komandalyq sport oıyny. Oıyn barysynda ishinde qońyraýy bar arnaıy doptar qoldanylady, bul oıynshylarǵa doptyń ornyn dybys arqyly anyqtaýǵa múmkindik beredi.
«Qalalyq oqý-tájirıbelik dene shynyqtyrý jáne sport ortalyǵy» uıymdastyrǵan «Qalalyq ınklúzıvti oıyndar» aıasynda Ortalyqtyń qyzmet alýshylary jarysqa qatysyp, II orynǵa ıe boldy.
İs-shara belsendi ári dostyq atmosferada ótip, qatysýshylardyń komandalyq rýhyn, fızıkalyq belsendiligin jáne emosıonaldyq jaı-kúıin damytýǵa yqpal etti.
Beıimdelgen sport túrlerimen aınalysý qatysýshylardyń eńbekqorlyǵyn, erik-jigerin, tabandylyǵyn jáne maqsatqa umtylysyn qalyptastyrýǵa kómektesedi, sondaı-aq olardyń áleýmettik beıimdelýine jáne qoǵamdyq ómirge belsendi aralasýyna jaǵdaı jasaıdy.
KMM «Senim» áleýmettik qyzmetter ortalyǵy 3 jastan 18 jasqa deıingi psıhonevrologıalyq patologıalary jáne tirek-qımyl apparaty buzylǵan múgedektigi bar balalarǵa stasıonar jaǵdaıynda arnaıy áleýmettik qyzmetter kórsetedi. Ortalyqta qyzmetterdiń 8 túri usynylady: áleýmettik-turmystyq, áleýmettik-medısınalyq, áleýmettik-psıhologıalyq, áleýmettik-pedagogıkalyq, áleýmettik-eńbek, áleýmettik-mádenı, áleýmettik-quqyqtyq jáne áleýmettik-ekonomıkalyq qyzmetter.
Osyndaı sporttyq is-sharalardy ótkizý KMM «Senim» áleýmettik qyzmetter ortalyǵynyń qyzmetindegi mańyzdy baǵyttardyń biri bolyp tabylady jáne qyzmet alýshylardyń belsendi demalysyn uıymdastyrýǵa, densaýlyǵyn nyǵaıtýǵa jáne ómir sapasyn arttyrýǵa baǵyttalǵan.