Senat deputattary Qazaqstan men Mońǵolıya úkímetterí arasyndaǵy zeınetaqy salasyndaǵy yntymaqtastyq turaly kelísímdí ratıfıkatsıyalau jóníndegí zańdy qarap, qabyldady, dep habarlaıdy Aqshamnews.kz tílshísí.
Qūjat ekí el azamattarynyń zeınetaqy qūqyqtaryn qorǵauǵa baǵyttalǵan. Atap aıtqanda, eńbek ótílín esepke alu, sondaı-aq zeınetaqy tólemderín taǵaıyndau men júzege asyru tártíbín naqtylaıtyn qūqyqtyq tetíkterdí qalyptastyrudy kózdeıdí.
Būǵan deıín kelísímníń mańyzdy jańalyǵy retínde Mońǵolıyadan kelgen qandastardyń zeınetaqy qoryndaǵy jınaǵyn Qazaqstanǵa audaru múmkíndígí qarastyrylǵany aıtylǵan. Būl qūjatqa 2024 jylǵy 29 qazanda Ūlan-Batyrda qol qoıylyp, keıín ony Májílís ratıfıkatsıyalaǵan edí.
Íshkí íster mınıstrlígíníń málímetínshe, 2025 jyly Qazaqstanǵa Mońǵolıyanyń 43 352 azamaty kíríp, 43 001 adam elden shyqqan. Al 2024 jyly 44 240 azamat kíríp, 40 916 adam shyqqan.
Qazír Qazaqstanda Mońǵolıyanyń 6 755 azamaty tūraqty tūrady, onyń 6 236-sy – qandastar. 2025 jyly 979 adam tūraqty tūruǵa rūqsat alǵan. Sondaı-aq QR azamattyǵyn Mońǵolıyanyń 752 azamaty alǵan, olardyń 744-í – qandastar.