Almaty qalasy №7 qalalyq klınıkalyq aýrýhanasynyń neırohırýrg-dárigerleri onkologıalyq aýrýy bar, omyrtqaǵa zaqym keltirgen jáne aýyr nevrologıalyq jetispeýshilik qaýpi bolǵan naýqasqa joǵary tehnologıalyq operasıany sátti jasady.
51 jastaǵy naýqas omyrtqanyń keýde bóligindegi qatty aýyrsyný jáne aıaqtarynyń jansyzdaný shaǵymdarymen emdelýge jatqyzylǵan. Teskerý barysynda omyrtqanyń metastazdy kólemdi túzilisi – búırek ústi beziniń qaterli isiginiń ekinshi oshaǵy dıagnozy qoıyldy. Paıda bolǵan isik julyndy qysyp, naýqastyń sal bolyp qalý qaýpin týdyrǵan.
Patologıa omyrtqanyń joǵarǵy keýde bóliginde ornalasqan – bul anatomıalyq jaǵynan kúrdeli jáne aǵzadaǵy óte fýnksıonaldyq mańyzdy aýmaq, bul aýmaqqa kez kelgen hırýrgıalyq aralasý julyn men onyń ótkizgish joldaryna zaqym keltirý qaýpin arttyrady.
Asa kúrdeli, biregeı operasıany jasaǵan №7 qalalyq klınıkalyq aýrýhananyń dırektordyń uıymdastyrý ádistemelik jumys jónindegi orynbasary, neırohırýrg, medısına ǵylymdarynyń kandıdaty, qaýymdastyrylǵan profesor Marat Amangeldi Alıevtiń aıtýynsha, hırýrgıalyq emdeý keshendi jáne kóp kezeńdi sıpatta boldy jáne bir operasıa sheńberinde jasaldy.
«Birinshi kezeńde biz julyndy isikten bosatý maqsatynda omyrtqanyń lamınektomıasyn jasaldy. Sodan keıin, operasıalyq mıkroskopty qoldanyp, julynnyń kólemdi isigin mıkrohırýrgıalyq jolmen aldyq. Aralasýdyń negizgi elementi ıntraoperasıalyq neırofızıologıalyq monıtorıńti paıdalaný boldy, ol naqty ýaqyt rejıminde julynnyń fýnksıonaldyq jaǵdaıyn baqylaýǵa jáne nevrologıalyq asqyný qaýpin azaıtýǵa múmkindik berdi. Omyrtqanyń zaqymdanýyn jáne omyrtqanyń tirek fýnksıasynyń buzylýyn eskere otyryp, kelesi kezeńde transpedıkýlárly fıksasıa ádisimen omyrtqa segmentin turaqtandyrý júrgizildi. Omyrtqanyń beriktigi men kótergish qabiletin qalpyna keltirý úshin vertebroplastıka jasaldy", - dep atap ótti profesor Marat Alıev.
Operasıa qorytyndysy boıynsha oń klınıkalyq-fýnksıonaldyq nátıjege qol jetkizildi. Operasıadan keıingi kezeń asqynýlarsyz ótti.
Pasıenttiń jaǵdaıy aıtarlyqtaı jaqsardy, julynǵa túsken qysym joıyldy, aýyrsyný sezimderi edáýir azaıdy, sezimtaldyq qalpyna keltirildi. Qozǵalys saqtalǵan, júıke júıesi jaǵynan nasharlaý beligeleri joq.
Qaıtalap tekserý náıjelerinen operasıanyń sátti ótkenin kórýge bolady: omyrtqa nyq bekitilgen, barlyq elementter durys ornalasqan, turaqtylyqtyń qaıta buzylýy nemese omyrtqa býyntyqtarynyń yǵysýy belgileri anyqtalmady.
Osylaı joǵary kásibı deńgeıde jasalǵan hırýrgıalyq emdeý ómirge qaýipti jaǵdaıdy joıyp qana qoımaı, omyrtqanyń turaqtylyǵyn qalpyna keltirdi, bul pasıenttiń qımyl-qozǵalysyna jáne odan ári erte ońalýyna jaǵdaı jasaldy.