Shymkentte eki jas jigit qaladaǵy smart-dárethanadan shash keptirgishti symymen birge julyp alyp ketkeni týraly aqparat tarady, dep habarlaıdy Aqshamnews.kz tilshisi.
Oqıǵaǵa baılanysty joba koordınatorlary polısıaǵa aryz túsirgen. Quqyq qorǵaý organdaryna habar berilgennen keıin eki shymkenttik erikti túrde bólimshege kelip, kinálaryn moıyndaǵan ári keltirilgen shyǵyndy óteýge daıyn ekenin jetkizgen.
Jas jigitterdiń biriniń sózinshe, ol dárethanada beti-qolyn jýyp turǵan kezde fendi abaısyzda julyp alǵan. Onyń aıtýynsha, olar qurylǵyny urlaýdy maqsat etpegen, "jóndep, qaıta ornyna qoıýdy oılaǵan". Sondaı-aq ákimdik pen joba úılestirýshilerinen keshirim surap, jóndeý shyǵyndaryn tóleýge daıyn ekenin aıtty.
Eske salaıyq, Shymkenttegi smart-týaletterdiń jabdyqtary jıi buzylyp, qubyrlary bitelip, ıntererine zaqym keletin jaǵdaılar tirkelip turady. Málimetke sáıkes, bir nysannyń quny shamamen 50 mln teńge.