Almaty oblysyna qarasty Qaskeleń qalasyndaǵy mektepterdíń bírínde 9-synyp oqushysy kóz jūmǵany turaly aqparat tarady, dep habarlaıdy Aqshamnews.kz tílshísí.
Jelíde jarıyalanǵan málímetke sáıkes, oqushy sabaq arasyndaǵy úzílís kezínde ózín jaısyz sezíngen. Sol sátte bírden jedel járdem shaqyrylyp, jaqyndaryna habarlanǵan. Oqushynyń janynda atalǵan mektepte mūǵalím bolyp jūmys ísteıtín ájesí de bolǵany aıtyldy.
Oqıǵa ornyna jetken dárígerler reanımatsıyalyq kómek kórsetkenímen, jasóspírímdí aman alyp qala almady. Ol sol jerde qaıtys bolǵan. Málímet boıynsha, oqushy aqpan aıynyń ayaǵynda 16 jasqa tolatyn edí.
Qazír ólímníń naqty sebebí anyqtalyp jatyr. Sot-medıtsınalyq saraptamasy taǵaıyndalǵan.
Almaty oblystyq polıtsıya departamentí oqushynyń qaıtys bolǵanyn rastady.