"Qaırat" pen "Bryugge" matchínde qoǵamdyq tártíp būzǵan Belgıyanyń bírneshe jankúıerí ákímshílík qamauǵa alyndy, dep habarlaıdy Aqshamnews.kz tílshísí.
Qalalyq sottyń baspasóz qyzmetíníń málímetínshe, Astana qalasynyń mamandandyrylǵan ákímshílík qūqyqbūzushylyqtar jóníndegí sotyna Belgıya azamattary S., D., N.-ǵa qatysty ūsaq būzaqylyq deregímen (QR ÁQBtK 434-baby 1-bólígí) ís túsken.
Sot materıaldarynda kórsetílgendeı, 2026 jylǵy 20 qańtarda olar "Astana Arena" stadıonynyń trıbunalarynda mas kúıínde kıímderín sheshíp, ísh kıímmen qalyp, aıqaılap, jūrttyń nazaryn ózderíne audaruǵa tyrysqan. Osy áreketí qoǵamdyq tártíptíń būzyluyna sebep bolǵan.
Sot otyrysynda sheteldík azamattar kínálaryn moıyndap, bolǵan jaǵdaıdy emotsıyamen baılanystyrdy. Qūqyqbūzushylyq faktísí beınejazbalarmen rastalǵan.
Nátıjesínde sot qaulysymen S., D., N. kínálí dep tanylyp, árqaısysyna 5 táulík ákímshílík qamau jazasy taǵaıyndaldy.