Qazaqstan Frantsıyamen vızalyq rásímderdí jeńíldetu máselesí boıynsha kelíssózder júrgízíp jatyr, kelesí aıda (aqpanda) ekínshí raund ótedí, dep habarlaıdy Aqshamnews.kz tílshísí.
2026 jylǵy 22 qańtarda Senat Qazaqstan men Frantsıya arasyndaǵy zańsyz mıgranttardy óz elíne qaıtaru (readmıssıya) jóníndegí kelísímdí maqūldady.
Talqylau kezínde deputat Sergeı Ershov būl qūjat vızalyq rejımdí jeńíldetuge áser ete me degen sūraq kóterdí. Syrtqy íster mınıstríníń orynbasary Álíbek Baqaev vızany jeńíldetu boıynsha protsedura bastalǵanyn aıtyp, aqpanda ekínshí raund kelíssóz ótetínín málímdedí.
Onyń sózínshe, EO baǵytyndaǵy jūmys ekí blokqa bólínedí: bírí — readmıssıya, ekínshísí — vızalyq rásímderdí jeńíldetu.
Readmıssıya — memleketterdíń zańsyz júrgen azamattardy/sheteldíkterdí qabyldap alu tártíbín retteıtín kelísímder júıesí. Aıta keteıík, būǵan deıín Qazaqstan men Europalyq odaq vızany jeńíldetu boıynsha kelíssózderdí bastap, kelesí kezeńníń 2026 jylǵy aqpanda ótetínín habarlaǵan.