Saýdagerlerdiń aıtýynsha, basshylyqtyń áreketi qymbatshylyqqa sebep bolýda
Taldyqorǵandaǵy saýda oryndarynyń birinde shý shyqty. Mundaǵy kópshilik jalǵa alý baǵasyn ósirgen basshylyqtyń bassyzdyǵyna narazy. «Shydamymyz taýsyldy» degen olar búgin bazar aldynda bas kóterdi, dep habarlaıdy almaty-akshamy.kz.
Caýdagerlerdiń aıtýynsha, bazar basshylyǵy jalǵa alý baǵasyn birneshe esege kótergen. Azamattar qansha qarsylyq bildirse de, eshkim mán bermegen. Saýda ornynyń ıeleri olarǵa «aqshany tóleńder nemese oryndy bosatyńdar» dep talap qoıǵan.
Saýdagerlerdiń aıtýynsha, basshylyqtyń áreketi qymbatshylyqqa sebep bolady. Saldarynan, tutynýshy joǵalýy múmkin. Al azamattar kimge shaǵym aıtaryn bilmeı, sabylyp júr.
– «Unamaı ma, ket» deıdi. Al biz elektr jaryǵyn aı saıyn tóleımiz. Bala-shaǵamyzdy saýda jasap, asyrap otyrmyz. Qazir saýda joq, – dedi saýdager Dınara Ysqaqova.
«Tutynýshylar 500 teńgelik zatty 1000 teńgege satasyńdar?» deıdi. Biz 1-2 zat satsaq, táýba deımiz. Nege oryndy qymbattatady? – dedi saýdager Qarlyǵash Jumabekova
– Múlde jaǵdaı jasalmaǵan. Tipti dárethana aqyly. Kóktem men kúzde jańbyr jaýsa, tóbeden sý aǵyp, muz qatady. Ony tazalap jatqan eshkim joq. Júrý tipti múmkin emes. Sonda ne úshin baǵany kóteredi? – dedi saýdager Venera Qadyrova.
Saýda ornynda shamamen 5 myńǵa jýyq kásipker bar. Olar buǵan deıin aı saıyn 44 600 teńge tólep kelgen. Sherin aıtyp, sherýge shyqqan toptyń shaǵymyn tyńdaý úshin bazar basshysy da keldi. Alaıda azamattardyń aryzyna qulaq túrer ol joq.
– Jalǵa alý qunyn 4 jyl kótermedik, endi ınflásıa bar, komýnaldyq qyzmetkórsetý quny ósti. Sol sebepti osyndaı sheshim qabyldandy, – dedi saýda ornynyń dırektory Serik Quljabekov.
Saýdagerlerdiń bazynasyn jergilikti bılik te biledi. Dese de máseleni sheshýde ákimdik qaýqarsyz. Jaǵdaıǵa qatysty túsinik bergen olar «qos tarap áýel basta kelisimshartqa qol qoıdy» dep qutyldy.
– Qala ákimi ózi bazardyń quryltaıshysymen sóılesti. Biraq bul kisilerdi mindetteı almaımyz. Alaıda usynysty qoldamasa, ekijaqty kelisimshart negizinde sotqashaǵymdanýǵa bolady, – dedi Taldyqorǵan qalalyq kásipkerlik bóliminiń basshysy Mıras Ahmetsapa.
Narazy top o bastaǵy talaptan qaıtar emes. Eger is munymen bitpese, sotqa da aryzdanbaq.