Bıyl Naýryz meıramynda 5 kún – 21-25 naýryz aralyǵynda demalys boldy. Ár qalada ákimdikter uıymdastyrǵan merekelik sharalardan basqa, qazaqstandyqtar kınoǵa, sporttyq is-sharalarǵa, sırk qoıylymdaryna, konsertterge baryp, teatrlandyrylǵan qoıylymdar men basqa da oıyn-saýyq sharalaryna belsendi qatysty.
Ticketon.kz onlaın bıletterin satý qyzmetiniń málimetinshe, demalys kúnderi qaralym jaǵynan alǵashqy orynda turǵan «Peıish. Jumaq ananyń tabanynyń astynda» fılmine 21676 bılet satyldy. Ekinshi orynda mereke kúnderi eń kóp qaralǵan «Kýng-fý Panda 4» múltfılmi boldy. Prokatqa 21 naýryzda shyqqan «Prıgovor» qazaq-qyrǵyz dramasyna 10 000-nan astam bılet satylyp, qaralym jaǵynan úshinshi orynǵa turaqtady.
- Sporttyq sharalar da qazaqstandyqtardy beıjaı qaldyrmady. Osylaısha, «Qazaqstan – Majarstan U21» machyna 3800 kórermen jınaldy. 1 921 jankúıer qatysqan «Semeı» FK men «Qaırat» KFK arasyndaǵy fýtbol machy tartysty ótti.
- Oıyn-saýyq sharalarynyń ishinde Astanada ótken aty ańyzǵa aınalǵan Iýrıı Nıkýlın sırki qoıǵan «Aq jolbarys shoýy» qoıylymyn atap ótken jón. Oǵan 2950 bılet satylǵan. Almatydaǵy «Aquamarine sýyndaǵy sırk» shoýy da mereke kúnderi joǵary deńgeıde ótip, 2806 kórermendi qýantty. «Qaraǵandydaǵy sırk» qoıylymyna 1610 bılet satyp alynyp, qaladaǵy mereke kúnderiniń jetekshi shoýyna aınaldy.
- Mereke kúnderi, Ticketon kompanıasynyń málimeti boıynsha, kınoshoýlarǵa 70 myńnan astam, túrli konsertterge 14 myńnan astam jáne teatr qoıylymdaryna osynshama bılet satylǵan. Naýryz meıramyn toılaýǵa arnalǵan sporttyq sharalarǵa 8 myńǵa jýyq bılet, sırk qoıylymdaryna 7500 bılet, balalarǵa arnalǵan is-sharalarǵa 1800 bılet satyp alyndy.
Ticketon málimetteri boıynsha, ár kúni 25 000-dy qamtıtyn eń kóp bılet 21 jáne 22 naýryzda satyldy.
Kúni boıynsha ártúrli is-sharalarǵa satylǵan bıletter sanyna keletin bolsaq, 21 naýryzda eń tanymal oqıǵa «Astana - Ýralmash» VTB Birikken Lıgasynyń machy boldy, onda 1 744 bılet satyldy, sonymen qatar «Peıish. Jumaq ananyń tabanynyń astynda» fılmine 2715 bılet satyldy.
- 22 naýryzda eń kóp bılet Almatyda ótken «Aquamarine sýyndaǵy sırk» shoýyna (1 712 bılet) jáne «Kýng-fý Panda 4 (2024)» múltfılminiń kórsetilimine (3 146 bılet) satyldy.
- Naýryzdyń 23-i kúni Almatydaǵy «Aquamarine sýyndaǵy sırk» shoýyna 1712 bılet, sondaı-aq «Peıish. Jumaq ananyń tabanynyń astynda» fılmine 4501 bılet satyp alyndy.
- 24 naýryzda «Semeı» FK - «Qaırat» KFK sporttyq sharasy 3358 kórermendi jınap, «Peıish. Jumaq ananyń tabanyn astynda» fılmine 4900 bılet satyldy.
Merekelik demalystyń sońǵy kúninde, 25 naýryzda Petropavlda ótken «MýzART» tobynyń konsertine 1324 bılet satyldy, sondaı-aq «Peıish. Jumaq ananyń tabanynyń astynda» fılmine Qazaqstan boıynsha 5066 bılet satylǵan.
«Jyl saıyn Naýryz meıramy kezinde oıyn-saýyq is-sharalarynyń satylymynyń turaqty ósip jatqanyn baıqaýǵa bolady, bul joly Naýryz meıramyndaǵy taýar aınalymy 2023 jylmen salystyrǵanda 30%-ǵa ósti. Sonymen qatar sońǵy jyldary balalarǵa arnalǵan is-sharalarǵa bıletter óte kóp satylyp jatqandyǵyn atap ótkim keledi. Elimizde qazaqstandyq shyǵarmashylyq ujymdardan da, sheteldikterden de balalarǵa arnalǵan kóptegen is-sharalar uıymdastyryldy. Kóptegen jyl boıy balalarǵa arnalǵan qoıylymdar men is-sharalar mazmuny jaǵynan da, sany jaǵynan da tómen bolyp kelgendikten, bul óte jigerlendiredi. Óskeleń urpaqty tárbıeleý úshin balalardyń talǵamyn oıatatyn, sonymen qatar balalardy oıyn-saýyq mazmunyn tutyný mádenıetine úıretetin is-sharalardyń qanshalyqty mańyzdy ekenin túsindirýdiń qajeti joq», - dep atap ótti “Freedom Ticketon” servısiniń bas dırektory Vıktorıa Torgýnakova.
Kompanıa týraly aqparat:
- «Freedom Ticketon» - 11 jyldan beri tabysty jumys istep kele jatqan, qazaqstandyq naryqtaǵy bıletterdi onlaın satyp alýdyń jetekshi júıesi. Búginde kompanıa Qazaqstan, Ózbekstan, Qyrǵyzstan jáne Tájikstanda jumys isteıdi.
- Qyzmetti aı saıyn 4 mıllıonnan astam adam paıdalanady. Osy ýaqytqa deıin kompanıa ártúrli is-sharalarǵa 16 mıllıonnan astam bılet satty (kúnine 8 myńnan 50 myńǵa deıin). Qazirgi ýaqytta júıege 250-den astam ártúrli nysandar qosylǵan: kınoteatrlar, teatrlar, sporttyq arenalar, konserttik zaldar. Qazaqstanda Ticketon.kz 40-tan astam qaladaǵy nysandardy qamtıdy.