Keshe Astanada kún buzylyp, iri-iri burshaq jaýdy. Saldarynan kóptegen kólik zaqymdandy. Jaýǵan burshaq kólikterdiń áınekterin tesip, syrtqy korpýsyn maıystyryp jiberdi. Mundaı jaǵdaıda kólik ıesi ne isteý kerek? Zańger óz keńesimen bólisti, dep habarlaıdy aqshamnews.kz.
Zańger Danıar Baıǵabatovtyń aıtýynsha, mundaı jaǵdaıǵa tap bolǵan keıbir júrgizýshiler shyǵynnyń bir bóligin qaıtaryp alýy múmkin.
"Eger kólik quralynyń menshik ıesinde saqtandyrý kompanıasymen kóliktiń jaǵdaıyna qatysty erikti saqtandyrý sharty jasalsa, onda tabıǵı apattar saldarynan keltirilgen shyǵyn úshin saqtandyrý tólemin júzege asyrý kózdelgen bolsa, menshik ıesi saqtandyrý kompanıasyna kóliktiń jaǵdaıyna qatysty ótinish jazýy kerek. Sonymen qatar, keltirilgen shyǵynǵa baǵalaý júrgizýi tıis. Munan keıin kompanıa kólik jaǵdaıyna qatysty sheshim qabyldap, saqtandyrý boıynsha tólem tóleıdi nemese bas tartady", - dep qorytyndylady Baıǵabatov.
Esterińizge sala keteıik, barlyq saqtandyrý sharttarynda tabıǵı apattar saldarynan keltirilgen zalal úshin saqtandyrý tólemin júzege asyrý kózdelmegen.