Almatylyq kombýstıologtar joǵary vóltty elektr jelisi tok soqqan 27 jastaǵy jigittiń ómiri úshin eki aı boıy kúresti.
Elektr montajdaýshysy bolyp jumys isteıtin Aıan kóktemde Abaı oblysy Alakól aýdanyndaǵy ýchaskede jumys istep júrip elektr jaraqatyn aldy. Er adam alǵashqy 10 kúndi Alakól ortalyq aýdandyq aýrýhanasynyń jansaqtaý bóliminde ótkizdi, keıin jaǵdaıy turaqtalǵan soń naýqas tıisti deńgeıde kómek kórsete alatyn kúıik bólimi mamandary bar Almatydaǵy №4 qalalyq klınıkalyq aýrýhanaǵa jetkizildi.
Kombýstıologtar oǵan elektr togynyń áserinen – 2-dárejeli elektr jaraqaty. Bilek, qol, ishtiń aldyńǵy qabyrǵasy, tabannyń IV dárejeli elektrlik kúıigi dıagnozyn qoıdy.
«Naýqas týystary men reanımatologtyń súıemeldeýimen №4 qalalyq klınıkalyq aýrýhananyń qabyldaý bólimine jetkizildi. Ony kópbeıindi dárigerler brıgadasy - travmatolog, reanımatolog-anestezıolog, terapevt - jan-jaqty tekserip, kúıik bólimine jatqyzdy. Bilek pen qoldyń tómengi úshten bir bóliginde kúıik jaralary, ekinshi saýsaqtyń nekroz aımaqtary, sol jaqta aldyńǵy ish qabyrǵasy aımaǵynda kúıik jaralary, oń taban aımaǵynda medıaldy betinde jáne sol tabannyń búıir betinde elektrlik kúıik izderi anyqtaldy. Naýqastyń jaǵdaıy turaqty jáne aýyr dep baǵalandy», - dedi bólim meńgerýshisi, dáriger-kombýstıolog Eldos Álmenov.
53 kún em, terini aýystyrý boıynsha 5 «bir mezgilde aýtodermoplastıkamen keshiktirilgen nekrektomıa» plasıkalyq otasy júrgizildi.
Jaraqat alǵan kezde sol jáne oń qoldyń suq saýsaqtarynyń demi bitti, biraq hırýrgtar qoldy ınfeksıanyń taralýynan qutqaryp, qalǵan saýsaq falangtary men tabandy ampýtasıadan saqtaı aldy. Elektrmontery Aıan abaısyzdyqqa tap bolǵan jaǵdaıǵa ózin ǵana kinálaıdy. Ómir úshin uzaq kúresken ol aýrýhanadan óz aıaǵyn basyp shyqty.
«Jumys barysynda óz qateligimnen meni tok soǵyp, aýrýhanaǵa tústim. Almaty Tórtinshi qalalyq aýrýhanasynyń dárigerleri men qyzmetkerlerine men úshin jasaǵan barlyq isi úshin alǵys aıtamyn. 53 kún boıy meni osynda qutqaryp, kútti, medbıkeler qarady, dárigerler emdedi. Medısına qyzmetkerlerine alǵysym sheksiz», - dep bólisti Aıan Merekenov.
Otalyq top: Eldos Álmenov – hırýrg, Aıbek Kárimov pen Sársembi Ásipov – asıstentter, Jandos Dáýletbekov pen Qanatbek Raıymbekov – anestezıologtar, Áıgerim Ábijanova – otalyq medbıke