Bul týraly Oqý-aǵartý mınıstri aıtty.
Oqý-aǵartý mınıstri Ǵanı Beısembaev bastaýysh, negizgi jáne jalpy orta bilim berý pánderiniń oqý baǵdarlamalary mazmunyn ózgertý boıynsha jumys tobymen kezdesti, dep habarlaıdy Almaty-akshamy.kz Elorda.info saıtyna silteme jasap.
Y.Altynsarın atyndaǵy UBA-nyń vıse-prezıdenti Álıa Chokýshevanyń aıtýynsha, oqý baǵdarlamalarynyń mazmunyna ózgerister engizý jumysy 2022 jyldyń maýsym aıynda bastaldy.
«Bul kezeńde jumys toby oqý baǵdarlamalarynyń qurylymyn ázirledi, ár pán boıynsha maqsat, mindetter túzetildi. Sonymen qatar bilim alýshylardyń fýnksıonaldyq saýattylyǵyn qalyptastyrýǵa baǵyttalǵan kontent ıntegrasıasy iske asyryldy. Oqý baǵdarlamalarynyń júıeliligi men birizdiligi, olardyń bilim alýshylardyń jasy men fızıologıalyq erekshelikterine sáıkestigi qamtamasyz etildi», — dedi Á.Chokýsheva.
Sonymen qatar bilim berýdiń oqý baǵdarlamalaryn ázirleýdiń halyqaralyq tájirıbesi men standarttary zerdelendi. Salystyrmaly túrde taldaý jasalyp, pán muǵalimderiniń respýblıkalyq sıezerinde aıtylǵan usynystary eskerilgen.
Kezdesý barysynda mınıstr oqýlyqtardy ázirleý keshendi tásildi qajet etetinin jáne naqty sheshimdi sarapshylar qabyldaýy tıis ekenin atap ótti. Jumys qorytyndysy boıynsha oqý baǵdarlamalary saraptamaǵa jiberiletin bolady.