Qyrǵyz Respýblıkasynyń prezıdenti Sadyr Japarov 9 qyrkúıekte Qatar astanasy Dohada bolǵan zymyran soqqylaryn qatań aıyptady, dep habarlaıdy Aqshamnews.kz tilshisi kabar.kg-ge silteme jasap.
"Bul áreketter halyqaralyq quqyq pen BUU Jarǵysynyń qaǵıdattaryn buzady, sondaı-aq Qatar memleketiniń aýmaqtyq tutastyǵy men egemendigine nuqsan keltiredi", – delingen prezıdent málimdemesinde.
Buǵan deıin ne bolǵan edi?
9 qyrkúıekte Izraıl Dohaǵa soqqylar jasady. Negizinen turǵyn úıler zardap shekti, onda HAMAS basshylyǵynyń delegasıasy AQSH usynǵan sońǵy tatýlasý usynysyn talqylaýǵa kelgen bolatyn. Qatar Izraıldiń shabýylyn aıyptady.
Qatar bıligi turǵyn aýdandaǵy Izraıl soqqysynan zań júzinde jaýap daıyndaý úshin advokattar toby qurylǵanyn jarıalady. Premer-mınıstr Mýhammed ben Abderrahman Ál Tanı Izraıl áreketteri halyqaralyq quqyqty buzyp, AQSH bastamasymen qolǵa alynǵan Gazadaǵy kelissóz prosesin álsiretedi dep atap ótti.