Qazaqstanda 2013 jyldan beri qyrkúıektiń ekinshi jeksenbisi Otbasy kúni retinde atap ótiledi. Bul kún shańyraq qundylyǵyn ulyqtap, qoǵamdaǵy otbasylyq ınstıtýttyń jaı-kúıine nazar aýdartatyn mereke sanalady. Almatyda qansha otbasy bar jáne qansha jup ajyrasqan? Aqshamnews.kz tilshisi bul suarqtardyń jaýabyn izdep kórdi.
Almatydaǵy otbasy sany
Ulttyq statısıka búrosynyń málimetinshe, bıyl maýsymda 870 neke qıylǵan. Al jyl basynan beri 4421 jup resmı túrde shańyraq kótergen.
Bıylǵy statısıka:
- qańtar - 634;
- aqpan - 737;
- naýryz - 677;
- sáýir - 751;
- mamyr - 752;
- maýsym - 870.
Aıta keteıik, jyl basynan beri jalpy respýblıka boıynsha 51370 jup nekege turǵan.
Keıingi jyldardy saralasaq:
- 2023 jyly - 13074
- 2024 jyly - 10787 jup úılengen.
Almatyda alǵash ret otbasyn qurǵandardyń ortasha jasy qandaı?
- erler - 28;
- áıelder - 26.
Sondaı-aq, qalada otbasyn qurǵanyna 20 jyldan asqan 557 januıa bar.
Nurbolsyn Óris
Byltyrǵy statısıka boıynsha, qalada múldem nekege turmaǵan 10199 er adam bar. Onyń ishinde 60-tan asqan 36 qarıa turady. Sondaı-aq, 10768 áıel kúıeýge múldem shyqpaǵan. Onyń 25-i 60-tan asqan.
Ajyrasý statısıkasy
Bıyl maýsymda Almatyda 205 ajyrasý tirkelgen, bul - elimiz boıynsha joǵary kórsetkishterdiń biri. Al jalpy jyl basynan 1120 jup ajyrasyp úlgergen.
Qazaqstan boıynsha bul statısıka kóńil kónshitpeıdi, jyl basynan 21531 otbasy ekige ketken.
- 2023 jyly - 4761;
- 2024 jyly - 2108 jup ajyrasqan.
Bir qyzyǵy, qalada ajyrasý eń kóp tirkeletin jas shamasy – 30 ben 34 jas aralyǵy.
Ajyrasýdyń negizgi sebepteri retinde ekonomıkalyq qıyndyqtar, ýrbanızasıa, áleýmettik jelilerdiń áseri jáne otbasylyq daǵdarystar atalady.