Haırýzovka ózeninde sý deńgeıi kóterilip ketken.
Sonyń kesirinen 2023 jylǵy 8 jeltoqsanǵa qaraǵan túni Kırov, Óskemen jáne Harıýzovskıı kóshesi boıyndaǵy jeke sektordyń tórt aýlasyn sý basty, dep habarlaıdy Almaty-akshamy.kz
Osyǵan baılanysty Rıdder qalasynyń tótenshe jaǵdaılar bólimi men jergilikti atqarýshy organdardyń qyzmetkerleri jerkilikti turǵyndardy habardar etti.
Evakýasıa jasaýǵa Qutqarýshy kúshter men quraldar daıyn.
"Halyqty ýaqytsha ornalastyrý úshin Rıdder ákimdigi Rıdder koleji ǵımaratynda jedel túrde ýaqytsha ornalastyrý pýnktin daıyndady.Turǵyndar evakýasıalaýdan bas tartty. Rıdder ákimdigi men Shyǵys Qazaqstan oblysy tótenshe jaǵdaılar departamentiniń qutqarýshylary aýlalar men úı mańyndaǵy sýdy sorý úshin motosorǵylar qoldandy, muzdy tazalap, ózen arnalaryna qaraı eńis jasaý úshin arnaıy tehnıkalar tartyldy", dep málimdedi SHQO aqparat ortalyǵynyń baspasóz qyzmeti.
Sonymen qatar qala ákimdigi múddeli memlekettik organdar men uıymdar arasynan keltirilgen zalaldy baǵalaý úshin komısıa qurdy.
"Tótenshe jaǵdaıdyń saldaryn joıýǵa jergilikti ákimdikten, SHQO tótenshe jaǵdaılar departamentinen jáne polısıa departamentinen barlyǵy 20 adam men 7 tehnıka, 2 motopompa jumyldyryldy. Monıtorıń júrgizilýde", – dep habarlady jergilikti ákimdik.
Vedomstvo jaǵdaı baqylaýǵa alynǵanyn, keltirilgen shyǵyndy anyqtaý úshin komısıa qurylǵanyn habarlady.
Rıdder qalasyn sýmen, jylýmen, elektrmen qamtý tolyq kólemde qamtamasyz etilgen. Oqıǵa ornyna Shyǵys Qazaqstan oblysynyń ákimi men oblystyq Tótenshe jaǵdaılar departamentiniń basshylyǵy attandy.