Bul týraly Almaty qalasy ákiminiń orynbasary Asqar Ámrın máslıhattyń kezekten tys XII sesıasynda málim etti, dep habarlaıdy almaty-akshamy.kz.
Onyń aıtýynsha, halyqtyń áleýmettik osal toptary úshin turǵyn úı tólemderi men ataýly kómek kólemin aǵymdaǵy jyly 7,2 mlrd teńgeden 2024 jyly 10,9 mlrd teńgege deıin ulǵaıtý usynylyp otyr.
16,5 mlrd teńge somasyna múgedektigi bar adamdarǵa áleýmettik kómek kórsetý usynylady. Bul jeke kómekshilerdiń, qımylmen túsindiretin til mamandarynyń qyzmetteriniń tólemi jáne kómekshi tehnıkalyq quraldardy satyp alý.
Qala ákiminiń tapsyrmasy boıynsha kelesi jyly 2 215 teńge kóleminde ótemaqy halyqtyń áleýmettik osal toptarynyń 8 sanatyna (HÁOT) tóleý jalǵasady. Jalpy shyǵystar 4,2 mlrd teńgeni quraıdy. Bul qarajat "ınvestısıalarǵa aıyrbastaý tarıfi" baǵdarlamasy aıasynda komýnaldyq qyzmetter tarıfteriniń ósýin óteıdi.
Sonymen qatar, áleýmettik qyzmetter ortalyqtarynyń, 14 belsendi uzaq ómir súrý ortalyqtarynyń, 9 "Baqytty otbasy" ortalyqtarynyń (kópbalaly analar úshin), 15 "Shyńǵa órleý" (az qamtylǵan otbasylardan shyqqan oqýshylar úshin) jumys isteýi úshin, sondaı-aq úkimettik emes uıymdar sektoryndaǵy basqa da jobalarǵa 14 mlrd teńgeden astam qarajat josparlanǵan.