QMA Shyǵys Qazaqstan oblysy boıynsha Departamenti júrgizgen tergeý barysynda Rıdder JEO-nyń burynǵy menshik ıeleri 5,5 mlrd teńgeden astam boryshyn, onyń ishinde jalaqy jáne salyq mindettemeleri boıynsha qaryzdaryn tóledi, dep habarlaıdy almaty-akshamy.kz
Osylaısha, jylý energıasyn óndirý stansıasy qaryzsyz memleket menshigine óteýsiz negizde qaıtaryldy.
Esterińizge sala keteıik, Rıdder JEO-nyń burynǵy laýazymdy tulǵalary jóndeý jumystaryna arnalǵan qarajatty urlaǵan, nátıjesinde qala turǵyndary jylý energıasyn berý kezinde stansıa birneshe ret isten shyqqan. Jylý elektr ortalyǵynyń burynǵy basshylaryna qatysty memleketke asa iri mólsherde, 4,1 mlrd teńge somasynda zalal keltirdi degen kúdikpen, alaıaqtyq faktisi boıynsha tergeý júrgizilýde.
QR QPK-niń 201-babynyń talaptaryna sáıkes sotqa deıingi tergep-tekserýdiń ózge de derekteri jarıa etilýge jatpaıdy.
️QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR Qylmystyq-prosestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteledi.