Almaty oblysynda respýblıkalyq «SportArtFest» baıqaýynyń fınaly ótti.
İs-shara QR Mádenıet jáne aqparat mınıstrliginiń qoldaýymen «Ules» jobasy aıasynda uıymdastyryldy, dep habarlaıdy aqshamnews.kz Mádenıet jáne aqparat mınıstrligine silteme jasap.
Baıqaýdyń maqsaty – jastardy zıatkerlik jáne shyǵarmashylyq turǵyda damytý, sonymen qatar jastar arasynda salaýatty ómir saltyn nasıhattaý.
Respýblıkalyq baıqaýdyń irikteý kezeńine elimizdegi 500-den astam eldi mekennen 10 myńǵa jýyq jas qatysty. Úzdik 20 komanda fınalǵa joldama aldy. Qatysýshylar úsh kún boıy zıatkerlik jáne shyǵarmashylyq jarystarda baq synasty.
Baıqaý qorytyndysy boıynsha Jetisý oblysynyń «Tau stars» komandasy birinshi oryn, Jambyl oblysynyń «Shý jastary»komandasy ekinshi oryn alsa, úshinshi oryndy Atyraý oblysynyń «Firdaus» komandasy ıelendi. Jeńimpazdar alǵys hattarmen jáne aqshalaı syılyqtarmen marapattaldy. Baıqaýdyń júlde qory – 1 600 000 teńge.