Qurmetti jyr súıer qaýym! 2024 jyldyń 25-28 qyrkúıek aralyǵynda Almaty qalasy Mádenıet basqarmasynyń qoldaýymen, Halyqaralyq “TÚRİKSOI” uıymy jáne "Tulǵa-dostyq" qoǵamdyq qory Almaty qalasynda «Túrki dúnıesi jas aqyndarynyń halyqaralyq poezıa festıvalin» uıymdastyrady.
Festıváldiń maqsaty:
- Túrki dúnıesiniń birligin nasıhattaý;
- Túrki dúnıesi jas aqyndarynyń baılanysyn nyǵaıtý;
- Túrki dúnıesiniń ádebıeti men mádenıetin dáripteý;
- Jas aqyndardyń kózqarasyn keńeıtip, jańa shyǵarmalardyń jazylýyna yqpal etý.
Bul mádenı sharaǵa Qazaqstan, Túrkıa, Ázerbaıjan, Ózbekstan, Qyrǵyzstan jáne Túrkimenstan sekildi túrki elderinen jas aqyndar qatysady. Festıváldiń ashylý saltanatyna mádenıet salasynyń basshylary, Halyqaralyq «TÚRİKSOI» uıymynyń Bas hatshysy Sultan Raev, Qyrǵyzstan Jazýshylar odaǵynyń tóraǵasy Qanabek Imanalıev jáne Qazaqstan Jazýshylar odaǵynyń tóraǵasy Mereke Qulkenov pen basqa da zıaly qaýym ókilderi qatysady.
Sizderdi 26 qyrkúıek kúni saǵat 11:00-de Jetisý aýdanyndaǵy "Poezıa aleıasynda" ótetin festıváldiń saltanatty ashylýyna jáne sol kúni saǵat 17:00-de “Alataý” dástúrli óner teatrynda ótetin jyr keshine shaqyramyz.
Biz sizderdi asyǵa kútemiz! Aqyndar shahary Almatyǵa jyr jaýǵan sáttiń kýási bolyńyzdar!