İs-sharanyń maqsaty – halyqtyń reprodýktıvti densaýlyǵynyń mańyzdylyǵy týraly habardarlyǵyn arttyrý jáne salaýatty ómir saltyn nasıhattaý.
2024 jylǵy 24 maýsymnan 28 maýsymǵa deıin Qazaqstan Respýblıkasy Prezıdentiniń janyndaǵy Áıelder isteri jáne otbasylyq-demografıalyq saıasat jónindegi ulttyq komısıanyń qoldaýymen uıymdastyrylǵan Reprodýktıvti densaýlyq aptalyǵy ótedi, dep habarlaıdy almaty-akshamy.kz.
Erler men áıelderdiń reprodýktıvti densaýlyǵyn qorǵaý jaǵdaılaryn jasaýǵa qatysty mindetter Qazaqstan Respýblıkasynda 2030 jylǵa deıingi otbasylyq jáne genderlik saıasatty damytý tujyrymdamasynda belgilengen.
Reprodýktıvti densaýlyq aptalyǵy jasóspirimderdiń reprodýktıvti densaýlyǵynyń mańyzdylyǵy, josparlanbaǵan júktilikti jáne jynystyq jolmen beriletin ınfeksıalardy (JJBI) boldyrmaý ádisteri týraly tómen habardarlyǵy, AITV ınfeksıasy men JJBI-diń taralýynyń ósýi, sondaı-aq jatyr moıny qaterli isigin týdyratyn adam papılloma vırýsynyń aldyn alý qajettiligi sıaqty máselelerdi sheshýge baǵyttalǵan.
Apta aıasynda aqparattyq-túsindirý is-sharalary, densaýlyq saqtaý ortalyqtarynda ashyq esik kúnderi, jasóspirimderge arnalǵan tegin medısınalyq tekserýler men keńester uıymdastyrylady.
Aksıaǵa memlekettik organdar, halyqaralyq uıymdar, ÚEU jáne medıa tulǵalar belsendi qatysady. Negizgi maqsatty aýdıtorıa – jastar men jasóspirimder, reprodýktıvti jastaǵy erler men áıelder, sondaı-aq medısına qyzmetkerleri men bilim berý qyzmetkerleri.
Reprodýktıvti densaýlyq aptalyǵy – reprodýktıvti densaýlyq týraly senimdi aqparat alýdyń, bilikti mamandarǵa suraqtar qoıýdyń, tekserýden ótýdiń jáne salaýatty bolashaqqa qadam jasaýdyń biregeı múmkindigi.