Almaty kóshi-qon qyzmetiniń málimetinshe, jumysqa sheteldik jumys kúshin tartýdyń belgilengen tártibine qaramastan, keıbir jeke jáne zańdy tulǵalar ony elemeı, sol arqyly Qazaqstan Respýblıkasynyń kóshi-qon zańnamasyn buzyp otyr.
Osy kúnderi Almatyda jalpy qaladaǵy qylmystyq ahýaldy jaqsartýǵa baǵyttalǵan “Quqyqtyq tártip” jedel-aldyn alý is-sharasynyń úshinshi kezeńi júrgizilip jatyr, dep habarlaıdy Almaty-akshamy.kz Polisia.kz-ke silteme jasap.
"Kóshi-qon zańnamasynyń saqtalýyn tekserý máseleleri – basymdyqta. Zańsyz júrgenderdi anyqtaý jáne zańsyz kóshi-qondy uıymdastyrý arnalarynyń jolyn kesý boıynsha jergilikti reıdter júrgizilýde", – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.
Almaty qalasynyń polısıa qyzmetkerleri kezekti reıd barysynda nysandardyń birinde qoldanystaǵy zańnamany óreskel buzyp, Qazaqstanda júrgen 51 sheteldikti anyqtady. Olardyń jeke basyn kýálandyratyn qujattary bolmaǵandyqtan, PD-nyń qabyldap-taratý ortalyǵyna ornalastyrylǵan. Nysannyń basshysy da ákimshilik jaýapkershilikke tartyldy.