Túrkıada demalǵan eki qyzylordalyq muǵalimniń basy daýǵa qaldy.
Olar qysqy kanıkýl kezinde shetelge baryp demalýdy jón kórgen, dep habarlaıdy Almaty-akshamy.kz Zhasalash.kz-ke cilteme jasap.
Shetel asqan muǵalimder ózderiniń demalysyn áleýmettik jeli arqyly kórsetip otyrǵan. Eń soraqysy, pedagogtar shetelde júrip, birneshe márte transvestıtter klýbynda kóńil kótergen. Ustazdardyń bul áreketin ata - analar áleýmettik jeliler arqyly kórip, ustazdardyń mektepten ketýin talap etken.
Beıádep qylyq kórsetken Qyzylorda oblysy Qarmaqshy aýdanyna qarasty №250 mekteptiń aǵylshyn tili pániniń muǵalimderi. Shet tilin meńgergen mamandar Qyzyl teńiz jaǵasynda tynyǵý úshin mektep ákimshiligin eskertip, aqysyz demalys alýdy uıǵarypty. Alaıda keıin ustazdardyń Túrkıadaǵy transvestıtter klýbynda demalǵan vıdeolary áleýmettik jelilerde tarap ketip, ata - analardyń narazylyǵyn týdyrǵan. Qaramaǵyndaǵy qyzmetkerlerdiń mundaı áreketke barǵandyǵy mektep basshylyǵyn da eseńgiretip tastaǵan kórinedi.
"Ekeýi de aǵylshyn tili pániniń muǵalimderi, jas mamandar. Bireýiniń "magıstr" ataǵy da bar. Ustazdardyń áreketin pedagogıkalyq keńeste talqyladyq, jınalysqa ádeıilep tek áıel muǵalimderdi qatystyrýdy jón kórdim. Jınalystan keıin ustazdar óz erikterimen jumystan ketý týraly aryzdaryn jazdy. Ol kisiler tek ustaz ǵana emes, sonymen qatar áıel kisiler, bala tárbıelep otyrǵan ana. Áriptesterimizdiń mundaı áreketke barǵandary óte uıat boldy", - dep málimdedi mektep dırektory Gúljahan Narbaeva.