QR Tótenshe jaǵdaılar mınıstrligi Qyzylorda men Býrabaıdaǵy jer silkinisi týraly aqparatty joqqa shyǵardy
Earthquake qosymshasynda «Býrabaı» memlekettik ulttyq tabıǵı parkiniń janynda jer silkinisi bolǵandyǵy týraly málimetter paıda boldy.
Bul qosymsha álemdegi sońǵy jer silkinisterin onlaın baqylaýǵa múmkindik beredi.
Osy servıste paıda bolǵan aqparatqa sáıkes, jer silkinisi Aqmola oblysynda Astana ýaqyty boıynsha saǵat 13:57-de bolǵan. Keıinirek TJM baspasóz qyzmeti aqparatty joqqa shyǵardy jáne jer asty dúmpýleri tirkelmegenin habarlady.
«4 aqpanda saǵat 13:57-de «Earthquake» qosymshasy Aqmola oblysynyń aýmaǵynda, «Býrabaı» parkiniń janynda bolǵan jer silkinisi týraly aqparatty jarıalady. TJM seısmıkalyq baqylaýlar men zertteýlerdiń ulttyq ǵylymı ortalyǵy bul jaǵdaıda jer silkinisin rastamaıdy», - delingen Qazaqstan TJM baspasóz qyzmetiniń habarlamasynda.
Keıinirek Earthquake qosymshasynda Qyzylordada magnıtýdasy 5,6 bolatyn jer silkinisi týraly habarlama paıda boldy. Alaıda, TJM bul aqparatty da joqqa shyǵardy.