Semeı garnızony áskerı sotynda ózine senip tapsyrylǵan bóten múlkin ıelený faktisi boıynsha aıyptalǵan áskerı qyzmetkerge qatysty Qylmystyq kodekstiń 189-babynyń 3 bóligi 2 tarmaǵy boıynsha qylmystyq is qaraldy, dep habarlaıdy almaty-akshamy.kz.
"Sotta aıyptalýshy shtabtyń topografıalyq qyzmetiniń bastyǵy bola tura, óziniń qyzmettik babyn paıdalanyp, býkmekerlik saıtta bás tigip utylyp, jeke basyndaǵy qaryzdardyń kóbeıýine baılanysty paıdakúnemdik maqsatta áskerı bólimge tıesili topografıalyq qurylǵylardy lombardqa ótkizgen. Tekseris qorytyndysy boıynsha memleketke 2 mln teńgeden astam zalal keltirilgen",- delingen sot habarlamasynda.
Sot úkimimen aıyptalýshy Qylmystyq kodekstiń 189-baby 3 bóliginiń 2-tarmaǵymen kináli dep tanylyp, oǵan 2 jyl 6 aı merzimge bas bostandyǵynan aıyrý túrindegi jaza taǵaıyndaldy.
Qylymystyq kodekstiń 49-baby, 1-bóligine sáıkes "kapıtan" áskerı ataǵynan aıyryldy. Sondaı-aq sottalǵannan memleket paıdasyna materıaldyq shyǵyn men memlekettik baj salyǵy óndirilgen. Úkim zańdy kúshine engen joq.