Almaty oblysynda sharýalarǵa berilgen 4,8 mıllıard teńgeniń urlanǵany anyqtaldy, dep habarlaıdy almaty-akshamy.kz.
Prokýratýranyń qadaǵalaý aktisi boıynsha shyǵyndy óteý prosesi bastalyp, búdjetke 110 mln teńge qaıtaryldy.
Almaty oblysynyń prokýratýrasy taratqan habarlamada aýyldardaǵy áleýmettik-óndiristik kooperatıvter asyl tuqymdy janýarlardy alý maqsatynda seleksıalyq jumystarǵa arnalǵan 1,2 mlrd teńge sýbsıdıany urlaǵany aıtylady.
İs júzinde bul jumystar oryndalmaı, qujattar resmı túrde resimdelip, oblysta asyl tuqymdy mal sany ulǵaıtylmaǵan. Oblys ákimdiginiń eseptik derekteri boıynsha, asyl tuqymdy mal sharýashylyǵyn damytý boıynsha belsendi jumys júrgizilip jatyr. Qaǵaz júzinde asyl tuqymdy qoı basy 4 jylda 1,9 mıllıonǵa deıin ulǵaıtylǵany týraly derek jalǵan bolyp shyǵyp, shyn máninde nebári 367 myń bas ekeni belgili boldy, – delingen habarlamada.
Almaty oblysy Uıǵyr aýdanynda tirkelgen janýarlar joq bolsa da, 2023 jyly seleksıalyq jumystardy júrgizgeni úshin 45,2 mln teńge somasyna sýbsıdıa alǵan. Sýbsıdıa alǵan kezde bul kooperatıv óziniń jeke sharýashylyǵy retinde Uıǵyr aýdanynyń turǵyndaryna tıesili aýylsharýashylyq janýarlaryn tirkegen.
Qazir sotqa deıingi tergeý amaldary júrgizilip jatyr.