Ózbekstannyń Namangan oblysynda uly oıshyl, ǵulama ǵalym Ábý Nasyr ál-Farabıdiń kitaby tabyldy, dep habarlaıdy almaty-akshamy.kz.
Oblys ákimdiginiń habarlaýynsha, onda tabylǵan kitaptan bólek XI–XIV ǵasyrǵa tán kóne qylyshtar da bar.
«Sırek kezdesetin úsh kitapta ǵylym, fılosofıa jáne tarıhqa qatysty biregeı bilim jazylǵan» delingen habarlamada.
Habarda aıtylǵandaı, Ahsıkent arheologıalyq saıabaǵynyń quramyndaǵy Jańa Ahsı keshenindegi baǵa jetpes jádigerler sany onǵa kóbeıip, koleksıa 475-600 jyldarǵa táne Baktrıa monetasy men XIX ǵasyrda mórlengen Qytaı monetasymen tolyqqan.
«Mamandar XI ǵasyrǵa tıesili dep baǵalaǵan qylysh urys jaǵdaıynda saqtalǵan. Ony Aksıkenttiń ustalary qatty bolattan jasaǵan. Álemdik bolat ortalyǵy retinde tanylǵan Aksıkent jumsaq jáne qatty bolatpen tanymal. Onyń qalaı jasalatyny áli kúnge deıin jumbaq. Ekinshi qarý XIV ǵasyrǵa jatady jáne ony Ámir Temirdiń arnaıy sarbazdary qoldanǵan», - deıdi vedomstvodan.
